من كم يوم راسلتني وحده تسألني وينك ياندى عن التدوين من زمان ماكتبتي شي؟!!
بصراحه هذا سؤال وجهته لنفسي كثير الفتره الأخيره ، ليش ماعاد إهتميت بكتابة مذكراتي كالسابق؟
لقيت إني صرت أهتم بالتويتر والانستاقرام أكثر بكثير من مدونتي ، هذي المواقع ريحتني كثير من التدوين وأشبعت حبي للمشاركه دون الحاجه لكتابة الكثير من الكلمات
لكن مع الوقت إكتشفت شي مهم ، كثير وصلتني تعليقات من البنات يطلبون مني العوده للتدوين
إكتشفت سبب محبتهم لطريقتي القديمه لتسويق منتجاتي عن طريق التدوين بدلاً من مواقع التويتر وانستاقرام
لاحظت الفرق فعلا خلال الفتره اللي تركت فيها التدوين قل التواصل بين المتابعين والمدونه وبالتالي أثر هالشي على علاقة متابعيني بالمتجر ومنتجاتي
بينما لما كنت أدون عن متجري كان فيه تواصل قوي مع المتابعين والعملاء
بالعربي كان فيه حياه وطعم للمتجر
والحين وبعد ماحسيت بالخطأ اللي وقعت فيه أحب أقولكم إن ندى القديمه رجعت وراح أحاول أنتظم بالتدوين قد ماأقدر
